খেলৰ কুইজ(অসম বিশেষ)
(১) আহোম যুগৰ খেলৰ প্ৰাণকেন্দ্ৰ কি আছিল ?
উত্তৰ : ৰংঘৰ ৷
(২) অসমত পুৰণি কালৰেপৰা প্ৰচলিত এবিধ থলুৱা নাম কি ?
উত্তৰ : কড়ি খেল ৷
(৩) অলিম্পিকত পদক লাভ কৰা প্ৰথমজন অসমীয়া কোন আছিল ?
উত্তৰ : লাভলীনা বৰগোহাঁই ৷ লাভলীনা বৰগোহাঁই ২০২১ চনত অনুষ্ঠিত টকিঅ অলিম্পিকত মহিলাৰ বক্সিংত ব্ৰঞ্জৰ পদক লাভ কৰে।
(৪) অলিম্পিকত অংশগ্ৰহণ কৰা প্ৰথম অসমীয়া কোন আছিল ?
উত্তৰ : ভাৰতৰ ফুটবল দলৰ অধিনায়ক ডা° টালিমেৰণ আও ৷ তেওঁ ১৯৪৮ চনৰ লণ্ডন অলিম্পিকত ভাৰতৰ ফুটবল দলৰ অধিনায়ক ৰূপে অংশগ্ৰহণ কৰিছিল ৷
(৫) অলিম্পিকত অংশগ্ৰহণ কৰা দ্বিতীয়জন অসমীয়া কোন আছিল ?
উত্তৰ : বেডমিণ্টনৰ খেলুৱৈ দীপাংকৰ ভট্টাচাৰ্য ৷ তেও দুবাৰ ১৯৯২ চনৰ বাৰ্চিলোনা অলিম্পিক আৰু ১৯৯৬ চনত আটলাণ্টা অলিম্পিকত অংশগ্ৰহণ কৰিছিল ৷
(৬) অলিম্পিকত অংশগ্ৰহণ কৰা সৰ্বকনিষ্ঠ ভাৰতীয় বক্সাৰ জনৰ নাম কি আছিল?
উত্তৰ:- অসমৰ শিৱ থাপা। (২০১২ চনত লণ্ডন অলিম্পিক)।
অলিম্পিকত অংশগ্ৰহণ কৰা অসমীয়া সকল
| নাম |
সময়/স্থান |
খেল |
| ডা° টালিমেৰণ আও |
১৯৪৮/লণ্ডন |
ফুটবল |
| দীপাংকৰ ভট্টাচাৰ্য |
১৯৯২/বাৰ্চিলোনা |
বেডমিণ্টন |
| দীপাংকৰ ভট্টাচাৰ্য |
১৯৯৬/আটলাণ্টা |
বেডমিণ্টন |
| জয়ন্ত তালুকদাৰ |
২০১২/লণ্ডন |
আৰ্চাৰী |
| শিৱ থাপা |
২০১২/লণ্ডন |
বক্সিং |
| লাভলীনা বৰগোহাঁই |
২০২১/টকিঅ |
বক্সিং |
(৭) অৰ্জুন বঁটা লাভ কৰা প্ৰথম অসমীয়া কোন আছিল ?
উত্তৰ : দৌৰবিদ ভোগেশ্বৰ বৰুৱা ৷
অৰ্জুন বঁটা লাভ কৰা অসমীয়াসকল ৷
| নাম |
বৰ্ষ |
খেল |
| ভোগেশ্বৰ বৰুৱা |
১৯৬৬ |
দৌৰবিদ |
| মনালিছা বৰুৱা |
১৯৮৭ |
টেবুল টেনিছ |
| জয়ন্ত তালুকদাৰ |
২০০৭ |
আৰ্চাৰ |
| শিৱ থাপা |
২০১৬ |
বক্সাৰ |
| হিমা দাস |
২০১৮ |
দৌৰবিদ |
| লাভলীনা বৰগোহাঁই |
২০২০ |
বক্সাৰ |
| নয়নমণি শইকীয়া |
২০২২ |
ল'ন বল |
(৮) কমনৱেলথ গেমছত পদক লাভ কৰা প্ৰথম অসমীয়া কোন আছিল ?
উত্তৰ : নয়নমণি শইকীয়া( ল'ন বল)
(৯) এচিয়ান গেমছত স্বৰ্ণপদক লাভ কৰা অসমীয়া খেলুৱৈগৰাকীৰ নাম কি?
উঃ ভোগেশ্বৰ বৰুৱা । তেওঁ ১৯৬৬ চনত বেংককত অনুষ্ঠিত এচিয়ান গেমছত ৮০০ মিটাৰ দৌৰত সোণৰ পদক অৰ্জন কৰে ৷
(১০) ভাৰতৰ ক্ৰিয়া ক্ষেত্ৰৰ সৰ্বোচ্চ সন্মান মেজৰ ধ্যান চাঁদ খেলৰত্ন বঁটা লাভ কৰা অসমৰ খেলুৱৈ গৰাকীৰ নাম কি?
উত্তৰ:- লাভলীনা বৰগোহাঁই।
(১১) ২০০৬ চনৰ আৰ্চাৰী বিশ্বকাপত ব্যক্তিগত শাখাত সোণৰ পদক লাভ কৰা অসমৰ খেলুৱৈ জনৰ নাম কি আছিল?
উত্তৰ:- জয়ন্ত তালুকদাৰ।
(১২) অসমত কিমানতম ৰাষ্ট্ৰীয় ক্ৰীড়া অনুষ্ঠিত হৈছিল ?
উত্তৰ : ৩৩তম ।
(১৩) ৩৩তম ৰাষ্ট্ৰীয় ক্ৰীড়া কেতিয়া অনুষ্ঠিত হৈছিল ?
উত্তৰ : ২০০৭ চনৰ ১৭ ফেব্ৰুৱাৰীত ৷
(১৪) ৩৩তম ৰাষ্ট্ৰীয় ক্ৰীড়াৰ মূল ষ্টেডিয়ামখনৰ নাম কি আছিল?
উত্তৰ : ইন্দিৰা গান্ধী এথলেটিক ষ্টেডিয়াম, সৰু সজাই, গুৱাহাটী ।
(১৫) ৩৩তম ৰাষ্ট্ৰীয় ক্ৰীড়াৰ মেছকেট(শুভংকৰ) কি আছিল ?
উত্তৰ : ৰংমন ।
(১৬) ৩৩তম ৰাষ্ট্ৰীয় ক্ৰীড়াত অসমে কিমানটা পদক লাভ কৰিছিল ?
উত্তৰ : সোণ ৩৮, ৰূপ ৫৩ আৰু ব্ৰঞ্জ ৫৭টা লাভ কৰিছিল ৷
(১৭) অসমৰ সৰ্বপ্ৰথম ৰঞ্জীট্ৰফী খেল কত অনুষ্ঠিত হৈছিল ?
উত্তৰ : যোৰহাটৰ চিনামৰাৰ জিমখাত খেলপথাৰত ৷
(১৮) অসমত প্ৰথমখন এদিনীয়া আন্তজাৰ্তিক ক্ৰিকেট খেল কেতিয়া কত আৰু কাৰ মাজত অনুষ্ঠিত হৈছিল ।
উত্তৰ : ১৯৮৩ চনৰ ১৭ ডিচেম্বৰত ভাৰত আৰু ৱেষ্টইণ্ডিজৰ মাজত গুৱাহাটীত অনুষ্ঠিত হৈছিল ।
(১৯) প্ৰথম অসমীয়া ফিফা ৰেফাৰী কোন আছিল ?
উত্তৰ : বাবুল বাৰ্মিজ।
(২০) ভাৰতীয় ফুটবলৰ এছ’চিয়েছনৰ প্ৰথম অসমীয়া সভাপতি কোন আছিল?
উত্তৰ : নুৰুল আমিন।
(২১) একেৰাহে ২৬ ঘণ্টা সাঁতুৰি অভিলেখ গঢ়া অসমৰ সাতোৰবিদজন কোন আছিল ?
উত্তৰ : এলভিছ আলী হাজৰিকা।
(২২) অসমৰ প্ৰথম মিষ্টাৰ ইউনিভাৰ্ছ খিতাপ লাভ কৰা শৰীৰচৰ্চাবিদ কোন আছিল ?
উত্তৰ : মহাদেৱ ডেকা (২০০৯) ৷
(২৩) প্ৰথম অসমীয়া আন্তৰ্জাতিক শৰীৰচৰ্চাবিদ কোন আছিল ?
উত্তৰ : হৰকান্ত বৰগোহাঁই ৷
(২৪) ভাৰত বক্সিং দলত স্থান পোৱা প্ৰথমগৰাকী অসমীয়া খেলুৱৈ কোন আছিল ?
উত্তৰ : বিতোপন শইকীয়া ।
(২৫)গুৱাহাটীৰ নেহৰু ষ্টেডিয়াম কেতিয়া মুকলি কৰা হয়?
উত্তৰ : ১৯৬২ চনৰ ১৫ জুলাই তাৰিখে।
(২৬) ৰঞ্জীট্ৰফীত ১০০০ ৰাণ আৰু ১০০ উইকেট লাভ কৰা অসমৰ প্ৰথমজন খেলুৱৈ কোন আছিল।
উত্তৰ : গৌতম দত্ত।
(২৭) ৰঞ্জীট্ৰফীত ১০০ উইকেট লাভ কৰা অসমৰ প্ৰথমজন খেলুৱৈ কোন আছিল ?
উত্তৰ : অনুপ ঘটক ৷
(২৮) অভিৰুচি ক্ৰীড়া দিৱস কেতিয়া আৰু কিয় পালন কৰা হয়?
উত্তৰ : অৰ্জ্জুন বঁটা বিজয়ী ভোগেশ্বৰ বৰুৱাৰ জন্মদিনত প্ৰতিবছৰে ৩ ছেপ্তেম্বৰ পালন কৰা হয় ।
(২৯) ভাৰতীয় 'এ' অন্তভুৰ্ক্ত হোৱা অসমৰ প্ৰথম গৰাকী ক্ৰিকেটাৰ কোন আছিল। ?
উত্তৰ : জাভেদ জামান।
(৩০) ভাৰতীয় স্কুল ক্রিকেট দলত স্থান লাভ কৰা প্ৰথম অসমীয়া খেলুৱৈ গৰাকী কোন ?
উত্তৰঃ মাধুৰ্য প্ৰসাদ বৰুৱা ৷
(৩১) বৰদলৈ ট্ৰফী কেতিয়াৰ পৰা আৰম্ভ হয় ?
উত্তৰ : ১৯৫২ চনৰ পৰা ।
(৩২) বৰদলৈ ট্ৰফী ফুটবল প্ৰতিযোগিতাৰ প্ৰথম বিজয়ী কোন আছিল ?
উত্তৰ : ৰে’লৱে স্পৰ্টছ ক্লাবচ বিজয়ী দল পাণ্ডু ৷
(৩৩) বৰদলৈ ট্ৰফী বৰ্তমান কোনে আয়োজন কৰে ?
উত্তৰ : গুৱাহাটী ক্ৰীড়া সন্থাই ৷
(৩৪) অসম হকী এছ’চিয়েচন কোন চনত সংগঠিত হৈছিল?
উত্তৰ : ১৯৫৫ চনত।
(৩৫) ১৯৮৫ চনত বেংকত অনুষ্ঠিত ফুটবল প্ৰতিযোগিতাত ভাৰতীয় জুনিয়ৰ ফুটবল দলক প্ৰতিনিধিত্ব কৰা অসমীয়া ফুটবলাৰ জন কোন?
উত্তৰ : ফ্ৰান্সিচ বৰুৱা।
(৩৬) ভাৰতীয় টেবুল টেনিছ দলক প্ৰতিনিধিত্ব কৰা অসমৰ প্ৰথম গৰাকী খেলুৱৈ কোন আছিল?
উত্তৰ : নন্দিনী বৰুৱা।
(৩৭) বৰ্তমান অসমত চলি থকা আটাইতকৈ পুৰণি ফুটবল প্ৰতিযোগিতাখনৰ নাম কি?
উত্তৰ : স্বাধীনতা কাপ ফুটবল প্ৰতিযোগিতা ৷
(৩৮) অসমৰ স্বাধীনতা কাপ ফুটবল প্ৰতিযোগিতা কেতিয়া আৰম্ভ হৈছিল?
উত্তৰ : ১৯৪৭ চনত।
লগতে চাওঁক :
